Новости за академијата | Новости за кандидати

СПЕЦИЈАЛИЗИРAНA ОБУКА ЗA НОВИОТ ЗАКОН ЗА КРИВИЧНА ПОСТАПКА

МОДУЛ 2 Истражна постапка

21 - 23 МАЈ 2013 ГОДИНА

Хотел Континентал - Скопје

Од 21 до 23 мај 2013 година, во хотел Континентал, со почеток во 10:00 часот, во организација на Академијата за судии и јавни обвинители, во соработка и со финансиска поддршка на Мисијата на ОБСЕ во Скопје и ОПДАТ Програмата при Амбасадата на САД, ќе се одржи десеттата специјализирана обука за новиот Закон за кривична постапка која ќе се однесува на модул 2 – Истражна постапка.

Целта на работилницата е целосна подготовка на правосудството за примена на новиот Закон за кривичната постапка, поточно да се презентираат новите законски решенија, да се дадат практични објаснувања на позначајните законски одредби, да се истакнат спорните ситуации и да се предложат мислења за нивно решавање, како и да се унапредат практичните знаења и вештини на правосудната полиција, судиите, јавните обвинители и адвокатите за постапувањето во кривичната постапка.

На обуката сите поважни одредби се разработени со теоретски дел кој е поткрепен со потребни материјали за практичните вежби кои заедно со прирачникот за обуката се објавени на web страната на Академијата. Поради интерактивноста на обуката и потребата од реализација на вежби од страна на учесниците на обуката потребно истите пред обуката да се запознаат со материјалите за вежбите.  

С Е М И Н А Р на тема: „Кoнфискација на принoси од кривични дела / Улогата на органите надлежни за управување со конфискуван имот“

Академијата за судии и јавни обвинители, во соработка и со финансиска поддршка на Инструментот за техничка помош и размена на информации (ТАIEX) на Европската Комисија на ЕУ, организира семинар на тема: „Конфискација на приноси од кривични дела / Улогата на органите надлежни за управување со конфискуван имот“.

Семинарот ќе се одржи на 20 и 21 мај 2013 година (понеделник и вторник) во хотел„Карпош“ во Скопје, и истиот е наменет за судии од кривичните оддели и јавни обвинители од сите инстанци и од сите апелациони подрачја, како и за претставници од други релевантни институции.

ПOТПИШУВАЊЕ НА МEМОРAНДУМ

По повод 68 години од МАКЕДОНСКАТА АДВОКАТУРА,  во  организација на  Адвоктска Комора на Република Македонија, Академијата за судии и јавни обвинители претставена  од директорот,  г-ѓа Анета Арнаудовска и Адвокатската комора на Република Македонија претставена  од претседателот,  Адвокат Никола Додевски на 18 мај 2013 година во Музеј на Македонската борба,  во Скопје  ќе потпишат  Меморандум за соработка со кој ќе се продлабочи меѓусебната  соработка во  постојаното стручно усовршување на судиите, јавните обвинители и адвокатите, преку  заедничко координирано  дејствување во остварувањето на овие заеднички цели.

            Целта на овој Меморандум е да се дефинира полето и обемот на соработка помеѓу страните потписнички, во рамки на своите овластувања, заеднички настап пред јавноста, но и пред потенцијални донатори и заедничко учество на проекти, а во однос на промоција и афирмација и стручно усовршување на судиите, јавните обвинители и адвокатите во Република Македонија.

О Б У К А на тема: „Постапка пo редoвни и вонредни правни лекови во трговските спорови“

Согласно Kаталогот за задолжителна континуирана обука  за судии, јавни обвинители, претседатели на судови и јавни обвинители на јавните обвинителства, Академијата за судии и јавни обвинители  организира обука на тема: „Постапка по редовни и вонредни правни лекови во трговските спорови“, која ќе се одржи на 17 мај 2013 година која ќе се одржи во просториите на Академијата за судии и јавни обвинители, со почеток во 10:00 часот.

Обуката е наменета за судии од трговските оддели од сите апелациони подрачја.

За повеќе детали во врска со обуката погледнете го Календарот на активности со избирање на соодветниот датум.

О Б У К А на темa: Увид и рeконструкција- практични проблеми

Согласно Kаталогот за задолжителна континуирана обука  за судии, јавни обвинители, претседатели на судови и јавни обвинители на јавните обвинителства, Академијата за судии и јавни обвинители организира обука на тема: Увид и реконструкција – практични проблеми, која ќе се одржи на 17 мај 2013 година во просториите на Апелационен суд Штип со почеток во 10:00 часот.

Обуката е наменета за судии од кривичните оддели и јавни обвинители од апелационо подрачје Штип.

За повеќе детали во врска со обуката погледнете го Календарот на активности со избирање на соодветниот датум.

О Б У К А нa тeма: “Прeкршоци според Законот за индустриска сопственост/Улогата на Државниот пазарен инспекторат во заштитата на правата од индустриска сопственост“

Академијата за судии и јавни обвинители во рамките на Програмата за континуирана обука на судиите и јавните обвинители, организира обука на тема “Прекршоци според Законот за индустриска сопственост/Улогата на Државниот пазарен инспекторат во заштитата на правата од индустриска сопственост“ која ќе се одржи на 17 мај 2013 година (петок), во просториите на Академијата, со почеток во 10:00 часот.

Обуката е наменета за судии од одделите за прекршоци од сите апелациони подрачја како и за претставници на Државниот пазарен инспекторат.

За повеќе детали во врска со обуката погледнете го Календарот на активности со избирање на соодветниот датум.